273. De sancto Leodegario.

la. Regi regum gratulemur
Omnes una qui tenemur
Ad eius praeconia;

1b. Voci mentes non discordent,
Oda pari sed concordent
Et pari symphonia.

2 a. Per quem suus vicarius
Sanctus Leodegarius
Subegit nequitiam

2 b. Ebroini fraudulentis,
Et ut vir illaesae mentis
Peregit militiam.

3 a. Qui decepto duce altum
De terrenis fecit saltum
Ad caeli palatium:

3b. Soli Deo militavit

Per quem cruces non expavit
Virorum fallacium.

4 a. Sed ovile cum vallarent,
Vel ut gregem lacerarent
Omni spreto pignore,

4b. Vel pastorem iugularent
Duo lupi, nec cessarent
A nefando scelere.

5 a. Pastor sponte, nec cum bile
Dat se lupis, ut ovile
Suum solus redimat,

5b. Nec ocellos eruentes
Fiunt sibi metuentes
Quis hoc scelus adimat.

6 a. Mos ocellis vir orbatus
Atque lingua deprivatus
Trahitur per salebras,

6 b. Nudis plantis et per spinas,
Poscens Dei medicinas
Ad opacas latebras.

7 a. Sed rex noster et athleta
Cui cuncta sunt secreta
Iugi patientia

7 b. Hunc certantem in agone
Lingua ditat et sermone
Divina clementia.

8 a. Rursus martyr accusatur,
Quod loquela sibi datur
Et tyranno praesentatur
Passurus supplicia,

8 b. Hinc ad nemus religatur,
Tantum nefas ne noscatur,
Quod iniuste decollatur
Caeli fretus gloria:

9. Laetus in quo modulatur
Alleluia.