279. De s, Maria Magdalena.

1 a. Austro cedit aquilo,
Dum a cordis nubilo
Magdalena solvitur;

1 b. Quae dum fervet caelitus
Igne sancti spiritus
In laudem resolvitur.

2 a. Culpae dans piaculum,
Suum tabernaculum
In Deo sanctificat.

2 b, Templum sacri flaminis,
Urbem Dei fluminis
Impetus laetificat.

3 a. Hac in laudis hostia
Rectos decet copia
Laudis et laetitiae,

3 b. Paenitentis animae

Sunt praedulces lacrimae,
Gaudii deliciae.

4 a. Se Maria compluit
Et peccata diluit
Hoc imbre serotino.

4b. Quae dum Christum abluit,
Fonti rivus influit,
Munda fit a Domino.

5 a. Nos, Maria, visita
Virga vigil excita

Nos per tuum meritum,

5 b. Fiere fac illicita,
Nos a culpis suscita,
Da salutis exitum.