283.

De sancta Margareta.

la. Flos convallis est egressus,
Spirat odor lilii;

1b. Luctus noster est extersus,
Flagrat ardor gaudii.

2 a. Flos convallis Margareta,
Castitatis lilium.
Vernat nube iam deleta
Infra caeli solium.

2b. Gloriosae recolentes

Virginis martyrium,
Margaretae collaudantes
Teneremur bravium.

3 a. Virgo tenellula,
Annis iuvencula,
Fidem sacram

Ut concepit credula,
Casta Christo

Parat habitacula.

3 b. Hostis sed perfidus
Et bonis invidus,
Quam movere

Non valet blanditiis.
Hanc terrere

Nititur suppliciis.

4 a. Rapitur, trahitur,
Tribunali sistitur,
Et de fide compellata
Terrore non flectitur.

4b. Uritur, caeditur,
Caro virgis teritur.
Sed a Christo confortata
De poena non queritnr.

5 a. Iam rivus sanguinis
Per latus virginis
Derivatur:

5 b. Cruoris rivulo
Baptisma populo
Consecratur.

6 a. Horrendo clausa
Carceris ergastulo,

Diro concutitur

Draconis sibilo,
Et dum vivens absorbetur
Crepat alvus qua tenetur

Potenti signaculo.

6 b. Rursum tortura
Innovatur gratior.

Accedat virgo ad

Certamen fortior,
Christum supplex deprecatur,
Exauditam attestatur

Vox columbae gratior.

7 a. Sic agone consummato
Hoste victrix triumphato
Non frustraris praemio;

7 b. In aeternum coronata
Gaudes virgo, sociata
Virginum collegio.

8 a. Ergo tibi supplicantes
Tuam audi iubilantes
Devote memoriam ;

8 b. Digna caelo Margareta
Prece nobis consueta
Caeli pande regiam.