285. De sancta Margareta.

la. Laetabunda
Voce munda

Sonet turba virginum,

1b. Collaudando,
Praedicando

Margaretae dominum,

2 a. Cuius forti bracbio,
Cuius et auxilio,
Praevaluit hostibus,

2b. Dum sibi letifera
Irrogarent vulnera
Efferatis ictibus.

3 a. Decollatur,
Laureatur

Sanguine martyrii,

3b. Angelorum
Beatorum

Fit et compos gaudii.

4 a. Castitate nivea,
Sanguine purpurea,
Caeli floret solio;

4 b. Victo mortis principe,
Vitae finis nesciae
Ditatur denario.

5 a. Margareta margaritam
Comparavit, per quam vitam
Nacta est perpetuam.

5 b. Deo plena, lucra mundi

Sprevit constans, quaequaerenti
Vitae claudunt ianuam.

6 a. Pro fructu iustitiae
Mille vivens sobrie
Contulit argenteos.

6b. Unde Sion filia
Summa terit atria
Capitans aetbereos.

7 a. Haec est virgo sapiens,
Oleum custodiens
Pectoris in vasculo,

7 b. Admittitur nuptiis,
Pascitur cum aliis
Immortali pabulo.

8 a. Haec beata
Deo grata,

Spernendo praesentia,

8 b. Comparavit
Quae amavit

Sempiterna gaudia.

9 a. Fecunda virtutibus,
Carnis suae motibus
Dominari studuit.

9 b. In mundi principibus,
Quibus nulla est salus,
Confideri noluit.

10 a. Terrena ambitio
Cum labenti gaudio
Viluit eximie,

10 b. Nam lucis in patria

Expectabat praemia

Perennis laetitiae.

11a. Nunc te, Christe, salvatuum,
Ne pereat, populum,
Exoramus cernui;

11b. Et meritis Margaretae
Servis dona verae vitae
Solacio perfrui.

12 a. Margareta, quae furente
Triumphasti de serpente,
Ab hostis versutia,

12 b. Muni servos pietatis,
Et supernae civitatis
Posce beneficia.