291. De sancto Martino.

1 a. Vox devota pulset caelos,
Moduletur dulce melos
Martini praeconia.

1 b. Hic egenis cibus, potus,
Nudis vestis, necdum lotus
Baptismali gratia.

2 a. Quam Martinus dat algenti
Parte probat indumenti
Se vestiri Dominus.

2 b. Nudo data tectum veste

Iesum videt, Iesu teste,

Adhuc catechum inus.

3 a. Tandem miles baptizatur
Claustrum intrat, conversatur,
Sancte Deo militans.

3 b. Fit in Christo cuncta cunctis,
Ter Martinus a defunctis
Mortuos resuscitans.

4 a. Onus sumit praesulatus,
Propter decus non elatus,
Immo magis humilis.

4b. Per hunc salus aegris manat,
Omnem morbum prece sanat
Praesul ineffabilis.

5 a. Assunt, psallunt caeli cives,
Dum hic pauper caelo dives
Migrat, par apostolis;

5 b. Christus eius deprecatu
Nos solutos a reatu
Societ caelicolis.