296. In Apparitione s. Micliaelis.

1 a. Mittit archangelum
Ab altitudine,
Summis gerens zelum
Nostro solamine
Contra tortuosum.

1b. Custos animarum,
Athleta caelitus,
In orbe terrarum
Demonstrat penitus
Bellum gloriosum.

2 a. Per taurum noscitur
Locus orarius,
Sagitta trahitur,
Vertit deterius
In sagittarium.

2 b. Admirantur turbae
In intersignio,
Requiritur urbe
Tanto mysterio
Quid necessarium.

3 a. Michael Gargano

Mansionem signat,
Et plebi prophano
Ruinam designat
Cum Neapolitae

3 b. Contra Sipontinos
Ruant exitium,
Hos Beneventanos
Sed fert auxilium
Campi ductor vitae.

4a. In defensione

Terra percutitur
Fulguratione,
Nebula mittitur,
Fugiunt errantes.

4 b. Caelo silentium

Fit facto duello,
Milia milium

Parantur in bello
Sibi servientes.

5 a. Centena decies
Milies milium
Stabant, dum acies
Fiebat partium
Et draco vincitur.

5 b. O custos polorum
Et humanitatis,
Defende malorum
Duce pravitatis,

Duc nos, quo fruitur

6 a. Miles caelicola,
Nostra tuitio ;
Extendimus colla,
Ut habitatio

Nostra sit in caelis.

6 b. Humanis tutela,

Castrum tremebundis,
Quo nobis appella
Si gravamur undis
Peccati crudelis.