299. De sancto Niniano.

la. Ave, pater et patrone,
Praesul, pastor pie, bone,
Confessor eximie.

1b. Roga Deum, Niniane,

Pro salute sero mane

Praesentis familiae.

2 a. Tu per terras et per mare
Dire vinctos liberare
Non cessas christicolas.

2 b. Esto nobis spiritalis

Tutor, salvans dos a malis
Loci huius incolas.

3 a. Ope tuae sanctae precis,

Membris surdis, claudis, caecis,
Crebra datur sanitas.

3 b. Nobis reis et indignis

Succurre, ne cum malignis
Nos damnet iniquitas.

4 a. Rex, puer, fur, hortolanus,
Infans cuius pedes, manus
Privabantur usibus,

4 b. Probant sanctum apud Christum
Te; tu nos post mundum istum
Iungas caeli civibus.