304. In Translatione ss. Patricii, Columbae, Brigidae.

la. Laetabundus

Exsultet fidelis chorus
Laudes Christo,

1 b. Per quem sanctis

Tribus his unus fit locus
Die isto.

2 a. Angelus consilii
Nobis est Patricius
In Hibernia,

2 b. Et Columba nesciens
Labem stella rutilans
Semper clara.

3 a. Sicut sidus Brigida
Fulget in Hibernia
Pari forma.

3 b. Sidus ducit nauticos,
Haec regit Hibernicos
Incorrupta.

4 a. Cedrus alta Libani
Sanctus est Patricius
Valle nostra:

4 b. Verbum ens altissimi
Hunc misit apostolum
Fide clara.

5 a. Miraculis monstravit,
Hibernia meminit
Quanta sibi tulerit
Donativa.

5 b. Mortuos resuscitat
Et caecos illuminat,
Gressum claudis excitat
Prece pia.

6 a. Reddamus gratias
Vices per varias
His ut salvetur
Gens misera.

6 b. Et nos sic per pias

Ambulemus vias

Ut ascendamus

Ad supera.