308. De ss. Iohanne et Paulo MM.

1 a. Paulus et Iohannes, fortes
Bellatores et consortes
Martyrum victoriae,

1b. Nequam spernunt Iulianum,
Eius horrent et profanum
Balteum militiae.

2 a. Malunt Christo deservire
Quam tam vilis oboedire
Mandatis apostatae.

2 b. Caritate sunt excocti,
Stant invicti et edocti
Vivo verbi dogmate.

3 a. Tunc nequam Terentianus
Sicut iubet Iulianus
Sic sanctos aggreditur:

3 b. " Vobis, ut Christum negetis
Et ut Iovem adoretis
Districte praecipitur."

4 a. Qui respondent: "Nosnegamus
Iovem et te reprobamus
Et sectas gen[tilium];

4b. Solum Deum adoramus,
Iuliani confutamus
Ferale dominium."

5 a. [Hinc] pro Christo decollantur
Et in fossas suffocantur,
Quorum mox martyria

5 b. Per virtutes declarantur,
Ut in nobis extollantur
Martyrum praeconia.