313. In s. Petri ad Vincula.

la. Laetetur nunc ecclesia

Et ex Petri praesentia

Gratias Deo referat,

1b, Quem Herodis insania
Posuit in custodia
Dum Iacobum occiderat.

2 a. Sed Dei miseratio
Angeli ministerio

Liberavit hunc hodie.

2 b. Sic Herodis intentio
Et omnis exspectatio
Frustratur plebis impiae.

3 a. Exit Petrus de carcere,
Christum praedicat libere,
Cor confirmat fidelium.

3b. Hinc vult rex plenus scelere
Turbam militum perdere
Petrum custodientium.

4 a. Sed Caesaream abiit,
Coli ut Deus cupiit,

Ab angelo percussus est;

4b. Et vermibus scaturiit,
Sic tandem iuste periit
Et misere mortuus est.

5 a. O pie pastor ovium,
A peccatorum omnium
Tu nos catenis libera,

5 b. Ut Christum Dei filium,
Omne vitantes vitium,
Mente sequamur libera.