317. De ss. Petro et Paulo.

1 a. Hac in die recolatur
summa cum laetitia

1b. Sancti Petri atque Pauli
celebris memoria.

2 a. Exsultantes veneremur
eorum natalia,

2b. Quorum cursus vitae huius
finit per martyria.

3 a. Petrus crucem subeundo,
Paulus ensis iugula,

8 b. Sub Nerone ambo passi
regna scandunt caelica.

4 a. Hinc lucernae mundo lucent,
duo sunt candelabra,

4b. Quibus noster chorus ovans
libens psallat cantica.

5 a. Convicerunt disputando

nequam magum Simonem,

5 b. Et orando retraxerunt
volantem per aerem.

6 a. Ruit ergo et collisus
adunavit silicem,

6 b. Orcus vorat atque tenet
magum exsecrabilem.

7 a. Nero fremens furibundus
ardet plus quam facula,

7 b. Iubet Petrum crucifigi,
Paulum dira framea.

8 a. Ferit lictor in momento,
sicque per martyria

8b. Scandunt caelos gloriosi,
pares pari gloria.

9 a. Assistentes laudi horum
Dei iuvet gratia,

9 b. Et adiutos nos perducat
ad polorum gaudia.

10 a. Ubi sancti gloriantur
in caelesti patria.

10 b. Sit cunctorum creatori
laus, decus et gloria.