329. De s. Roberto Abb

. Casae Dei.

la. Iam festivus coetus esto
In sancti Roberti festo
Recensens praeconia.

1b. Pio patri et honesto
Christus actu manifesto
Clara dat indicia.

2 a. In deserti via natus

Mundum vanum est signatus
Repletum miseria.

2 b. Lac refutans meretricis,
Mammam sugens genetricis;
Ecce mirabilia I

3 a. Post in templo Iuliani
Rudimenti Christiani
Didicit principia.

3 b. Nam infirmos multos sanat,
Ulcerata membra planat
Pie tactus gratia.

4 a. In deserto Casae Dei
Currunt ad hominem Dei
Hominum frequentia.

4b. Infirmos in fide firmat,
Languida membra refirmat,
Effugat daemonia.

5 a. Claudum, mutum, surdum purgat,
Lepram horrendam expurgat,
Futura praenuntiat.

5 b. Ab angelo norma lata,
Plebs iam surgit cucullata
Cum summa Iaetitia.

6 a. Sepultura praemonstrata,
Caritate commendata,
Transit ad palatia.

6 b. O Roberte, servos serva
Et in Christo coacerva
Post ista naufragia,

7. Ut cum ipso gloriemur
In aeternum, et laetemur
Cum sanctis in gloria.