330. De sancto Rumoldu.

la. Iubilemus salutari

Nostro Christo, voto pari
Pro sancti memoria,

1 b. Quem decorat sanguis fusns
Et virtutum frequens usus
Cum caelesti gloria.

2 a. O Rumolde, martyr sancte,
Aurem praebe laudi tantae
Servis patrocinia,

2 b. Qui liquisti facultates
Et regales dignitates
Paupertatis gratia.

3 a. Iustis fetu desperatis

A te verbis veritatis

Filius promittitur;

3 b. Idem natum baptizasti

Quem post mortem revocasti
Flumine dum mergitur.

4 a. Manum diu dissolutam
Mulieris restitutam
Tuo scimus munere.

4b. Miles pene suffocatus
Turba daemonum curatus
Per te cepit vivere.

5 a. Capta tristis dum causatur
Frigus nescit, sed velatur
Veste nondum habita;

5 b. Non est leve declarare
Quos et quantos decorare
Solent tua merita.

6 a. Ergo, consors angelorum,
Sis patronus servulorum
In Christi praesentia,

6 b. Et adiutos tua prece
Muni a perenni nece
Impetrata venia.