336. De sancto Stephano pp. m.

1. Collaudantes mente

2 a. Devota, voce serena
tua recolimus,
Christe, magnalia,

2 b. Cum te in tuis sanctis
veneramur semper
festa per annua.

3 a. Martyrii

ex his decorasti
quosdam gloria,

3 b. Quibus poena
caelestis contulit
regni praemia.

4 a. Hos horrida
tyranni perfidi
nunquam sanctam deterruit
fidem negare
vesania ;

4 b. Et plurima

multorum generum

tuo, Christe, pro nomine

eis illata

supplicia.

5 a. Horum beata
et tam magnifica
laudis collegia

5 b. Christo dilecti
adauget Stephani
virtus egregia.

6 a. Nos igitur,
nos devoti
debita

pariter laude
atque reverentia,

6 b. Te, domine,
collaudantes,
colimus
hodie festa
ipsius sollemnia.

7 a. Hic urbis Romae
pontifex praeclaias,
Petri gradiens
per vestigia,

7 b. Verbis et factis
plurimum profecit,
tua praeditus,
Christe, gratia.

8 a. Ipsius per merita
idolis ruentibus
corruit
pars templi non minima,

8 b. Et Christo credentium
populus adauctus est
plurimus
pro tribuni filia.

9 a. Hic plurima

signorum post genera,
post multa

domino credentum ad
eius vocem milia,

9 b. Laetus mortem,
dictante sententia
profani

iudicis, perpessus, ad
caeli transit gaudia.

10 a. Nos tibi devotos

respice, martyr sancte,
ut hic prece tua
pace tranquilla,

10 b. Et vitae post huius

terminum, martyr sancte,
perfruamur tecum
luce superna.