339. De sancto Theodardo.

la. Urbs Legia, laeta plaude,
Lauda virum dignum laude,
Sanctum ab infantia,

1b. Laudabilem Theodardum,
Superantem thus et nardum
Virtutum fragrantia.

2 a. Nobili stirpe claruit,

Sed clarior apparuit

Moribus, scientia.

2 b. Mores pravos exstirpavit,
Praesul factus, gregem pavit
Omni diligentia.

3 a. Dum arguit transgressores
Quosdam viros, invasores
Bonorum ecclesiae,

3 b. Tunc ad regem properantem
Insequuntur, iam intrantem
Silvam Elizatiae.

4 a. Mox ab illis sicariis
Plagis concisus variis
Innocens occiditur.

4 b. Sic sanguine laureatus,
Paradisi vir beatus
Ianuam ingreditur.

5 a. Ad tumbam huius sepulti
Aegri liberantur multi
A morbi molestia.

5 b. Huius interventu precum
Nos perducat Christus secum
Ad regna caelestia.

6. Amen dicat omnis homo
(Ut) cantet in caelesti domo
Iucundum alleluia.