340. De sancto Thoma.

1. Clare sanctorum,
Thoma, apostolorum
decus, ad Indorum
fines divertisti,

2 a. Atque Indorum
mores et vitam
reformasti,

2 b. Qui per doctrinam
tuam infideles
convertisti.

3 a. Alloquiis divinis
praecepit tibi
Deus ingredi Indiam.

3 b. O res miranda nimis,
quando Helyam
aspexisti familiam,

4 a. Sanctissimo
famulo
pincerna
attulit
alapam ;

4b. Palatio
medio
ultio
intulit
dexteram.

5 a. Videntes miraculum,

Thomam verentur apostolum,

5 b. Sanctum Dei famulum

fatentur, linquentes idolum.

6 a. Lumen oritur [gratissimum]

6 b. Et Indorum populus [patrem]

7 a. Se Thomam habere gaudet
et exsultat
invicem.

7 b. Et idcirco mundus omnis
laudem Deo

8. Et honorem Thomae debitum
supplex impendit.