341. De sancto Thoma.

1 a. Laetetur nunc ecclesia,
Laudans depromat cantica
Deposcatque suffragium,

1b. In hac die veneranda,
Gloriosa, recolenda

Cunctis turmis fidelium.

2 a. Dies ista, dies alma,
Dies cunctis amplectanda,
In qua dona gratiarum

2 b. Suis praestat fidelibus

Pastor bonus, magnus Deus,
Pater creator omnium.

3 a. Magni, parvi, boni, mali,
Sacerdotes, et laici,
Continentes, coniugati,

3 b. Omnes simul conveniant
Ut gratiam percipiant
In ista die celebri.

4 a. Dies ista virum sanctum,
Viruui iustum et inclitum,
Fortem et admirabilem,

4b. Nobis omnibus exhibet,
Qui suis claris meritis
Nostram ditet pauperiem.

5 a. Hic est Thomas vir splendidus,
Vir coruscans virtutibus,
Vir sanctitate praeclarus,

5 b. Quem salvator ad se traxit,
Et discipulis coniunxit,
Ipsum multis praelaturus.

6 a. Exhortans nempe populum

Omnemquesanans languidam

Et seminans Dei verbum,

6 b. Thomam ad se convocatum,
Sibi clarum dat titulum,
Ipsum vocans apostolum.

7 a. Christo tandem resurgente
Et ad suos redeunte,
Maestos replet laetitia;

7 b. Thoma vero dubitante,
Palpato tandem latere,
Mens serenatur dubia.

8 a. Ex hinc factus apostolus,
Veluti miles strenuus
Et bellator fortissimus

8 b. Sathanam debellaturus,
Est a Domino directas
Ad ultimos orbis sinus.

9 a. Illic admiranda gessit,
Multas terras peragravit,
Idolatriam quassavit,

9 b. Populum ad Christum traxit,
Ipsos quoque baptizavit,
Et in fide roboravit.

10 a. Post haec fidelis famulus
Christum cupiens videre
Plebem conversam hortatur,

10b. Ab impiis impeditur,
Gladio transverberatur,
Sicque Domino sacratur.

11a. O dux et princeps inclite
Christi sacrae militiae,
Thoma, Dei apostole,

11b. Nos a faucibus gehennae
Liberans, deprecamur te,
Ad regna caeli sastolle,

12 a. Ubi tecum congaudentes
Semper laeti, nunquam tristes,
Semper gratias agentes,

12b. Et Dominum collaudantes,
Trinitatem adorantes
Semper vivamus sospites.