342. De sancto Thoma.

1 a. Summo rerum conditori
Sit in arce summa poli
Honor et tripudium,

1 b. Sphaera mundi, teres orbis
Caelum pulset lira cordis
Vocis ad praeludium.

2 a. Praeco ducis, lux Indorum,
Thoma, caesor idoloram,
Veri patens nuntius,

2b. Hoc festivo nos illustrat
Die nostras et venustat
Mentes bene conscius.

3 a. Qui structuras aulam regi
Carpit iter nutu Dei
Missus a Caesarea,

3 b. Post ut felix paranymphus
Coniugatis monstrat intus
Quae sit lucis area.

4 a. Inter dapes sanctus orans
Tulit palmam velut ovans;
A pincerna principis.

4 b. Ultor leo Thomae sancti,
Certas vindex nefas tanti,
Piat morte sceleris.

5 a. Tunc accessit ad regale
Castrum iter per navale
Sanctus Elyophorum.

5 b. Rex salutat adventantem,
Regem Thomas ut ovantem
Instruit Gundophorum.

6 a. Prima strues est baptismus,
Fundamentum iacit Christus
Verbi Thoma baiulo.

6 b. Quem antistes idolorum
Penetravit ob deorum
Stragem truci gladio.

7 a. Vincis iure mundi iura,
Te exercet via dura
Necis per artifices,

7 b. In futuro tuae palmae
Fac nos esse, victor alme,
Thoma, comparticipes.