LIBER UNDECIMUS

In hoc libro nihil fere agitur praeter repetitionem eorum quae in superioribus tractata sunt, adjunctis multis in Physica disputatis. Quaerit primo an una scientia tradatur de principiis rerum, an plures ? Solutio est quod una, ex dictis tertio hujus, locis a Doctore hic citatis. Secundo quaerit, an unius scientiae sit tradere de principiis demonstrationis ? et respondendum cum Doctore quod sic ex 4. hujus. Tertio quaerit, an unius scientiae sit tradere de omnibus substantiis ? et respondendum affirmative, quod Doctor explicat ex 4. hujus. Dividitur autem iste Liber in quatuor summas quae infra suis locis explicantur.