350. De s. Thoma Cantuariensi.

la. Novo nato

de nova virgine
iubilemus,

1b. Novo cantu
novantem omnia
collaudemus.

2 a. Angeli pastoribus
apparentes nuntiant
creatorem.

2 b. Currunt et inveniunt
iacentem praesepio
salvatorem.

8 a. Thomas, primus Angliae
martyr factus hodie
coronatur.

3 b. Cessa, Sion, gemitus,
Thomas noster caelitus
honoratur.

4 a. Gaudet in caelestibus
martyr cum martyribus
coruscando,

4b. Deitatis speciem

non iam per effigiem
contemplando.

5 a. Illo transitorio
meruit martyrio
sine fine gaudio
coronari.

5 b. Sathanas illuditur,

mundus nequam vincitur,
laus et Thomae canitur
terra, mari.