355. De s. Thoma Herefordensi.
In Translatione.

1 a. Novi plausus incrementum
Affert lux ad monumentum,
Praesens corporis talentum
Qua Thomae sustollitur ;

1b. Caelum gratulatur ei,
Crevit decus domus Dei,
Dies adest nostras spei,
Laus digna persolvitur.

2 a. Hunc honorem sub figura
Ferre docet nos scriptura,
Beatorum pandens iura
Pro futuro debita;

2 b. Stola bina designata,

Quam cum carne suscitata
Tunc natura reformata
Vestiet per merita.

3 a. Primam animae sortitae
Post decursum huius vitae
Congaudemus, eius rite
Colentes memoriam;

3b. Secundae, cum hoc mortale
Post iudicium finale
Redigetur ad aequale
Praevenimus gloriam.

4 a. Veneramur in praesenti
Vita per quod instrumenti
Sancti legem testamenti
Domini perficere

4 b. Curarunt resociatum

Subiectum appropriatum,
Appetitum per innatum
Optantes reficere.

5 a. Hanc quam statuit creator
Ademit praevaricator,
Restauravit reparator
Ex summa clementia ;

5b, Sed intercedente morte,
Qua suntfractaemortis portae,
Restituti, pari sorte,
Sumus in potentia.

6 a. In hac fide subarrati

Sancti per spem confortati
Non timebant dira pati
Pro dimissa patria ;

6 b. Disponentes mente sana
Pro salute se humana
Terra ferri de profana
In sanctorum atria.

7 a. Merces prima quam mens pura
Consequetur in futura
Vita constat ex textura
Triplicis materiae;

7 b. Clarae Dei visionis,
Fervidae dilectionis,
Et securae tensionis
Sub praetexta serie.

8 a. Corpora tunc redimentur
Et a malis eruentur
Cum quaternis induentur
Dotibus pro munere ;

8b. Huius instar unionis

Christus his ditatus donis
Post effectum passionis
Surrexit de funere.

9 a. Clara mens sit ad cernendum,
Velle velox ad parendum,
Fortis vis ad resistendum,
Subtilis ad solida;

9 b. Sic moraliter ornatos

Transfer, Deus, ad beatos,
Carcer reddat liberatos
Nos ad regna fiorida.