360. De sancta Ursula.

1 a. Scrupulosa quorundam
sententia,

1b. Mulierum subita
fore vota

2 a. Merito redditur evacuanda

2 b. Dum instantia capiat regula ;

3 a. Harum namque constantia,
probatur ex perseverantia,

3 b. Quod declarant praesentia
virginum festa sollemnia.

4a. Hac itaque

die sacratissima

multitudo permaxima passa

est in Colonia,

4 b. Velut ebur

antiquum rubra exstant
sanctarum corpora pro futura,
quam exspectant, vita.

5 a. Non ut spuria vitulamina,
sed velut cedrus alta,
per eas elevatur Anglia.

5 b. In his vero exstitit fides una,
sic nec dilata sunt
earum praemia in patria.

6 a. Gaudeant

virgines perpendentes talia,

6 b. Gaudeat

et universalis ecclesia.

7 a. In sexu fragili millia

vicerunt virginum undena;

7 b. Insaniunt in has paganica
praecepta perimmania.

8 a. Trucidatur cohors virginea,
quibus datur aureola,

8 b. Quia sequuntur quo it in patria
agnum sine macula.

9 a. Harum exempla perlucida
solvant peccati vincula;

9b. Et ducant ad caelestia
ex huius vallis miseria;

10. Amen dicant omnia.