364. De sancto Walarico.

1. Insignem celebris
diei gloriam
sollemnemque patris
almi memoriam
colat ecclesia.

2 a. De Walarici
triumpho nobili
prodeunt annua
in mundo gaudia.

2 b. Cui caeli gratus
plaudat exercitus
atque continua
agit sollemnia.

3 a. Indolis egregiae

praefert innocentiam,

3 b. Firmitate, gratia,

servans patientiam.

4 a. Linquit parentes
iuventus tenera,

4 b. Sed ad divina

extendens opera,

5 a. Dum patrum veterum
palmas enumerat,

5 b. Athleta fieri

victor accelerat.

6 a. Abbas effectus

iura monastica

6b. Censura tractat
rite canonica.

7 a. Transitum praesciens
suum ad caelestia,

7 b. Unius staturae

designavit spatia,

8 a. Ut sacro corpori

persolvantur iura,

8 b. Cum limo redacta
solvetur natura.

9 a. Expleto funere,

miranda replicat,

9 b. Puellam lumine

caecam clarificat.

10 a. Quam iuste sanctus
egit paraliticam,

10 b. Stultum loquentem

Sanavit iuvenculam.

11a. Sublatus in aere

Sanctus abbas Athala

11a. Iam cernit in supera
Walaricum gloria.

12 a. Dum de corpore [ defuncti]
res esset ambigua,

12 b. Sacra quaestio excrevit
inter fratres nimia.

13 a. Transivit super altare
cum corpore theca,

13 b. Quod sit illos deserturus
sed plebs nescit caeca.

14 a. Sanctum corpus viri Dei
quod fraus asportaverat

14 b. Francorum in visu duci
reducendum imperat.

15 a. Walaricus Richarium
summi regis presbiterum
relatione socia,

15 b. Monens iubet ut proprium
vehat ad monasterium
tam longa post exsilia.

16 a. Sanctorum inclita
redeunt corpora,

16 b. Et miraculorum
exhibent opera.

17 a. Candelabra tria fulgur
et ignem pellunt ab
ecclesia.

17 b. Erigit debilem patris
benigni inclita
praesentia.

18 a. Contractam solidat
puer formosus
in veste candida.

18 b. Creditur anima
illud egisse

athletae splendida.

19 a. Ex obsessis corporibus
eiecit daemonia,

19 b. Et virtutum innumera
auget mirabilia.

20. Cuius prece pia
mereamur gaudia
cum Christo per saecula.