365. De sancto Walarico.

la. [Lauda Sion Walaricum
Pium, prudentem, pudicum
Dulci modulamine.

1b. Sa]nitate destituti
Sunt saluti restituti
Eius medicamine.

2 a. Febrem tollit, lepram sanat,
Et ab eius ore manat
Sanitas hydropicis ;

2 b. Quibus opem ferre curat
Et quos sanctus hic procurat
Non opus [est] medicis.

3 a. Calculosis subvenire
Novit prout scitur mire
Portus testimonio.

3 b. Portus villa nominatur
Aeger in qua liberatur
Ipsius suffragio.

4 a. Ambianis eius prece

Iam defunctum crucis nece
Vitae primae reddidit.

4 b. Anglos venti flatu boni
Normannofum ditioni
Prece duci subdidit.

5 a. Iam de eo celebratur
Quod de Moyse probatur
In maris miraculo.

5 b. Corpus suum, hoc quis nescit?

Desiccatum mare cessit

Reportanti populo.

6 a. Ipsum hostes detinere
Cupientes invenere
Fluctus maris turbidos;

6b. Quos mercator, invocato
Salvatore, se sedato
Mari, sensit placidos.

7 a. Caules quibus contingebat
Pestis vigens et vigebat
Mundavit a vermibus.

7 b. Anum iuvit de Melnaco
Verbo sontem non opaco
Gressuum iuvamine.

8 a. Christum sequens veram vitem
HuncFulcardusprobatmitem
Qui suo precamine

8 b. Nec in veste laesionem,
Nec in membris ustionem
Sensit tactus fulmine.

9 a. Advocato renitente
Ac exire prohibente
Reginaldo tota mente,
Clanculatis clavibus

9 b. Sui castri fores fregit

Locum petens quem elegit
Quod vir Dei totum egit
Reseratis foribus.

10 a. Ergo laudes demus [ei]
In honore summi Dei
Actu, voce, mente rei
Laeti laetis vocibus,

10b. Deo proni supplicantes
Ut haec loca visitantes
Et hunc sanctum venerantes
Caeli iungat civibus.

11 a. Quod dignetur is praestare
Qui creavit caelum, mare,
Per quem constatnos constare,
Qui non sinat nos errare
Sancti sanctis meritis.

11b. Cantet chorusjcantans: Amen,
Invocando sanctum flamen,
Ut divinum dans solamen,
Peccatorum det levamen
Huic sancto subditis.