366. In translatione sancti Walarici.

1. Chorus noster iucundetur,
Walarici veneretur
Praeclara sollemnia.

2 a. In hac die concinamus,
Walarico persolvamus
Laudes et praeconia.

2b. Dum canendo laudes damus,
Ne reatus, caveamus,
Vocum damnent organa.

3 a. Si incedant una via
Mentes atque melodia,
Christus solvet praemia.
Gaudeat Alvernia,
Quae in pueritia
Walaricum aluit:

3 b. Qui praeclara stirpe natus
Christo fuit consecratus,
Quod per vitam claruit.
In illius animo
Exstitit devotio
Et pura religio.

4 a. Suum Vale mundo vano
Dans, vixit sub Columbano
Monachus sub monacho.

4 b. Hic claustralis vivens claustro
Non est quinta rota plaustro,
Sed exemplum aliis.

5 a. Dux sequendae probitatis,
Vas virtutum, sanctitatis
Stimulus fit sociis.

5 b. Ab abbate delegatur,

Vicemaum destinatur

Praedicandi gratia.

6 a. Sic talenta sibi data
Dedit Deo duplicata
Oris eloquentia.

6 b. Ambianis suscitavit

Quem iniqua condemnavit
Iudicis sententia.

7 a. Ut antiquus confringatur
Malleus et conteratur,
Fabricatur fabrica ;

7 b. Walarico praedicante

Et favorem Christo dante,
Paratur ecclesia.

8 a. Hunc per septiforme donum
Patrem fecit et patronum
Monachorum contio.

8 b. Virum iustum Walaricum,
Virum sanctum et pudicum
Tota novit regio.

9 a.Vitam Deo dedicavit,
Moriendo triumphavit,
Nam post vitam transmigravit
Ad caeli palatia.

9b. Posthac quidem rex Guermundus,
Rex immitis, rex immundus,
Rex in Christo furibundus
Saeva movet proelia.

10 a. Corpus sancti Walarici
Ne saevire possent dici
In hoc Ghristi inimici
Defertur in Flaudriam.

10 b. Est honore sublimatum
Corpus poenis asportatum,
Nam ad suam est relatum
Cum hymnis ecclesiam.

11a. Iter Moysi mare dedit
Et ut murus circumdedit,
Ita mare patefecit
Et patentem viam fecit
Corpus reportantibus.

11b. Insistentes tuae laudi,
Walarice, nos exaudi,
Et cum dies erit irae,
Fac tormenta non sentire
Tuis sanctis precibus.