367. De sancto Walarico.
In Octavis.

1. Gaude, mater ecclesia,

gaude, plebs Christi humillima,

2 a. Magnifica salutis
tuae persona gaudia

2 b. Ad honorem auctoris,
qui tibi patrocinia

3 a. Sanctorum ministrat,
quis possis
capere dona caelica.

3 b. Inter quos emicat
lucida
Walaricus Dei gemma.

4. Felix Alvernia,
quae tanto
illustratur accola !

5 a. Namque divina

totus suppletus gratia

Ad liaec divina

libens se contulit mandata

ut semper

respuens caduca

5 b. Ea gereret

sola sunt quae perennia.

Loca Gallici

regni ultima expetivit.

spargendo

divina semina.

6 a. Laudat Deum patria
virum excipiens
docentem edicta caelica.

6 b. Nam, quae per se est falsa,
istum imitando
trahitur amare dulcia.

7 a. Sic ergo Walaricus
hic militat

et superni regis magna
imitatur
medendo
languidis opera.

7 b. Multato homunculo
morte dira
restituit vitae dona
atque multa
fratribus
praedixit futura.

8 a. Ubi vero multos
per Domini largam
edocuit
venerandus
pater gratiam,

8 b. Potiti iam Christi
ardens praesentia
deseruit
foetentia
atque sucosa,

9 a. Exosa

semper iustis saecli
contubernia,

9 b. Aeterna

luce micantia

10. Expetens sanctus regna.
Resonet Alleluia.