372. De sancta Wenefreda.

1 a. Salve, virgo decollata,
Post mortem resuscitata
Bennoi munimine,

1 b. Quae ter quinque vivens annis

Regularibus sub pannis

Claustrali regimine.

2 a. Ubi caput reclinavit,
Fons ibidem emanavit,
Sed absque miniculo

2 b. Cruentati sunt lapilli,
Nec albari possunt illi
Qui iacent fonticulo.

3 a. In quo quidquid deponetur
Hinc divina vi vehetur
Ad Bennoi cellulam.

3 b. Sed non puppi seu carina
Solum per freta marina
Seu patet per insulam.

4 a. Wenefreda, virgo grata,
Soli Deo consecrata,
Clemens reconcilia

4b. Nos qui mundo conversamur,
Ut cum sanctis mereamur
Esse caeli curia.