377. De sanctis Apostolis.

1 a. Petrum Nero cruci dando,
Paulum vero decollando,
Caesar caedit principes ;

1b. Crux Andream cara premit,
Iacob caput mucro demit,
Caeli sunt municipes.

2 a. In Iohannem homo furit,
Incensata res non urit,
Thomas ense caeditur;

2b. Iacob minor fuste caesus,
Sed Philippus saxis laesus
Demum crucifigitur.

3 a. Pellem dans Bartholomaeus
Decollatur, et Matthaeus
Est perfossus gladio ;

3 b. Symon senex crucifixas,
Ac Thadaeus est perfixus
Mucronis exitio.

4 a, Est Mathiae cum securi
Scissum caput, iussus uri
Barnabas est ignibus.

4 b. Marcus fune nudus tractus,
Lucas obit pacem nactus ;
Nos hi iuvent precibus.