380. In Commem. omnium Discipulorum.

1. Vos elegit in ministros
Verbi sui et magistros
Christus post apostolos.

2 a. Pontificum dignitate,
Sacerdotum sanctitate,
Levitarum ordine

2b. Ministrantes orbem lustrant,
Sacra dantes et illustrant
Verbum Dei semine.

3 a. Verae viti adhaerentes,
Vino pani convescentes,
Ferunt fructus uberes.

3b. Vera docent, mira gerunt,

Mundum calcant, caelum quaerurit
Christi veri pauperes.

4 a. Isti sunt Israelitae,
Veri fratres sine lite,
Veram pacem praedicant.

4b. Fragrant fama, fulgent vita
Virtutibus redimita,
Verbis, signis emicant.

5 a. Discipuli verberantur,
Flagellantur, lapidantur
Pro magistri nomine.

5 b. Horum veris disciplinis
Informemur et doctrinis
In hac via dubia,

6. Ut cum ipsis gloriemur
Et a Christo coronemur
In caelesti patria.