383. De sanctis Martyribns.

1 a. Fulget dies celebranda
Celebri laetitia,

1b. Insignita veneranda

Martyrum memoria.

2 a. In qua mater laetabunda
Exsultat ecclesia,

2 b. Filiorumque fecunda
Caeli gaudet curia.

3 a. In qua mundus triumphatur
Et carnis lascivia,

3 b. Atque hostis debellatur
Antiqui potentia.

4 a. Quam miranda est sanctorum
In Christo constantia,

4b. Caro, mundus, hostis quorum
Morsque est victoria,

5 a. Fide vincunt omnia,
Fide fortes exquisita
Perpessi supplicia.

5 b. Mira Christi gratia,
Iam in caelis infinita
Perfruuntur gloria,

6 a. Quo nec luctus neque clamor
Nec ulla molestia

6 b. Sed pax vera, verus amor,
Veraque concordia.

7 a. Quo illustrat sempiterna
Dei sapientia,

7 b. Quorum fulgent hodierna
Martyrum sollemnia.

8 a. Quam felix conditio.

Quam beata praemia,

8 b. Sanctis pro exsilio

Reddita est patria.

9 a. Dignis ergo laudibus
Psallat haec familia

9 b. Christi in martyribus
Depromens magnalia.

10 a. Quos de mundi abstulit
Praesentis angustia,

10 b. Quibus ampla contulit
Paradisi gaudia.

11 a. Quae nos digne promereri
Sanctorum suffragia,

11b. Atque secum confoveri

Dent Christi praesentia.