394. De sanctis Virginibus.

1. Alme Iesu,

qui gubernas cuncta,

2 a. Luce tua

corda nostra inflamma,

2b. Tibi grata

quo persolvamus vota.

3 a. Qui es corona,
laus atque palma
virginum perpetua,

3 b. Quarum regina

virgo constat Maria,
mundi sola domina,

4 a. Quae gravida
te innupta
genuit puerpera,

Et lucida
maris stella
caelorum reseravit
aurea regna,

4b. Cuius virgines
sacrae sancta
sequentes vestigia,

Mundi prospera
et adversa

tempserunt mente pura
et fide clara,

5 a. Saeva tormenta
sufferentes maxima:

5 b. Mox ad mansura
''pergentes et aeterna
''angelorum gaudia.

6. Quarum pia

nos suffragia hac in vita
ab omni prava mundent culpa,
et post mortem ad celsa
perducant regna.