395. De sanctis Virginibus.

1. Alleluia.

2 a. Deo promat

plebs nostra cantica pulchra,

2 b. Virginibus

qui confert aurea saecla,

3 a. Et coniugatas
omnes ad regna
vocat pius aeterna,

3 b. Coronam vitae
viduis et promittit
sine fine pulchram.

4 a. Cuius aula
nos exspectat
peccatores et ampla,

Optans cives
nos habere
quos mater ecclesia
parturit fecunda ;

4 b. Celsa carmina
ubi semper
omnes sancti iubilant,

Ubi gloria,
pax et plena
lux, via, felicitas
pullulat et tota.

5 a. Ubi pudica

virginalis caterva

5 b. Lilia intra

'' et rosas paradisi
''pulcherrime coruscat,

6. Angelica

iam cum plebe gaudens aurea,
quo clemens ipse nos perducat,
Qui regnat per saecula
perpetua.