396. De sanctis Virginibus.

1 a. Gaude, turma virginalis,
Turma pugnae spiritalis
Pollens privilegio.

1b. Tu, tenella, vincis bella
Tirannorum et flagella,
Praefulgens martyrio.

2 a. Tu lictores et tortores
Non abhorres nec terrores
Aut mortis supplicium,

2 b. Sed in morte stans secura
Ut cum Christo fruitura
Intres caeli solium.

8 a. Intra et nos fac intrare
Armis precum et regnare
In terra viventium.

3 b. Fac nos Christo militare
Et in Christo triumphare
Per crucis mysterium.

4 a. In hac pugna virginali
Palma pollens spiritali
Mater virgo psaltria,

4 b. Ad psallendum defer liram

Quae inferni regis iram

Pellit et daemonia.

5 a. Tu cum tuis virgo choris
Concrepando dulcioris
Cantici praeconium

5 b. Nos ad cenam duc vitalem
Et conventum aeternalem
Supernorum civium.