399. De una Virgine.

1. Laude Christum
modulemus pulchra,

2 a. Qui aeterna

virgines ornat corona

2b. Pretiosa

caelestis gloriae aula,

3 a. Ubi iucunda
praemia magna
lux divina ministrat,

3 b. Ubi pax sancta
caritas et perfecta
plebs et aurea vernat.

4 a. Ubi dies
sine nocte
perpetua rutilat,

Ubi vita
absque morte,
iuventus sine morbo
pullulat amoena,

4b. Ubi milia
angelorum
agmina dulcisona

Laudes iubilant

Sanctus, sanctus (sanctus)

alacriter

clamantia per saecla.

5 a. Ubi plateae

auro fulvo coruscant,

5 b. Ubi miranda
''moenia pretiosis
''gemmis surgunt exstructa,

6. Ubi virgo
caius dies haec
est sollemnis
laurea fulget
gloriosa ;

Cuius nos suffragia
illuc perducant.