Caput LII.

Quae omnia secundum fidem scientium loquor, ita ut, etc. Post loquor, suppleo et, vel atque: et ita ut gesta sunt mandanda litteris credidi. Boherellus .—Similiter versio anglica, and i have thought fit to writte them just as they were transacted. Aliter vero Cuperus.

Non corrumperet veritatem. Non melius abesset. Boherellus .

Pietati. Id est, clementiae, benignitati. Vid. not. ad Ausonium. Tollius .

Respexit in terram. Quomodo capite 5. Respexit enim Deus vexationem populi sui. Dejectus itaque fastigio 0838C imperii, etc.

Ubi sunt modo magnifica illa et clara per gentes Joviorum et Herculiorum cognomina, quae primum, etc., viguerunt? Notandum, ne id nimis oratorie et contra historiae fidem scriptum fuisse videatur, haud simpliciter quaeri a nostro, Ubi sunt modo Joviorum et Herculiorum cognomina, ac si post mortuos semel Diocletianum et Herculium, a nemine amplius quocumque pacto usurpata sint: sed, Ubi sunt modo magnifica illa et clara per gentes Joviorum et Herculiorum cognomina, quae primum a Dioclete ac Maximiano insolenter assumpta, ac postmodum ad successores eorum translata, viguerunt? ut neget tantum fuisse aeque magnifica et clara per gentes, vigentiaque adhuc, dum haec scriberet, atque primum fuerant sub ipsis Diocletiano et Maximiano Herculio; quod ab omni parte certissimum.

Joviorum et Herculiorum. Tanquam si a Jove et Hercule genus ducerent. Edit. Oxon. et Cant.

0838D Maximiano. Illo nempe, quem nunc Herculium cognominavimus. Alteri enim, sive Galerio Maximiano, Jovius, Diocletiani imitatione, cognomentum fuit; et hic praeterea de eo agitur, qui sibi primus Herculii nomen indidit.

Nempe delevit ea Dominus et erasit de terra. Quatenus nimirum ipsimet Diocletianus et Maximianus, qui sibi primi, alter Jovii, alter Herculii, cognomen tam insolenter sumpserant, et per quos simul eadem tam clara et magnifica per gentes evaserant, deleti sunt divinitus ex viventium terra et numero.

Diurnis nocturnisque precibus celebremus. Praeferrem, obsecremus. Celebremus enim paulo ante legitur. Boherellus .—Putabat vir doctus, qui Aboensi editioni praefuit, aliquid ante diurnis deesse, quod asterisco voluit notatum.

Ut Misericordiam suam servet etiam famulis, etc. Lege, ut misericordiam suam servet, et jam famulis suis 0839A propitius ac mitis omnes insidias, etc., deleto τῷ ut. Tollius .—Pro servet etiam, rescribo, servet aeternam. Boherellus .—Quid, si potius auctoris manus fuerit, ut misericordiam suam servet etiam atque etiam famulis suis propitius ac mitis? Tum deinde, ut omnes insidias, quaeque postea; ac denique cum tertio ut eleganter sine copula repetito, ut florescentes, et quae deinceps.

Diaboli. Zabuli, ut prius. Gale .—Capite nimirum 16, duobus locis.

Ut florescentes Ecclesias perpetua quiete custodiat. Veteris codicis cunctarumque hactenus editionum lectio est, ut florescentes Ecclesiae perpetuae quiete custodiat. 0840A Sed eam dudum, uti nunc excusam vides, emendaverat clarissimus Baluzius in indice erratorum suae primae editionis, aliique postea cum illo, vel aliter, ut subjicio.

Ecclesiae perpetuae quiete. Scrib. Ecclesias perpetua quiete. Edit. Oxon. et Cant. item Allixius.

Ut florescentes Ecclesiae perpetuae quiete custodiat. Nullus dubito legendum esse: Ut florescentis Ecclesiae perpetuam quietem custodiat; quae et Nicolai Heinsii fuit sententia, ut olim summi et amicissimi viri ore, cum de hoc loco cum superstite agerem, intellexi. Graevius .