CAPUT VII.

Visio Danielis de quatuor bestiis quatuor regna designantibus: de antiquo dierum et throno ejus ac ministris, quo judicante perierunt bestiae: ad hunc accedens filius hominis accipit potestatem aeternam et incorruptibile regnum: declarantur regna per bestias designata, et maxime quae per quartam bestiam et ejus cornua designentur, quae regnabit usque ad tempus et tempora et dimidium temporis.

1. Anno primo Baltassar, regis Babylonis, Daniel somnium vidit: visio autem capitis ejus in cubili suo: et somnium scribens brevi sermone comprehendit, summatimque perstringens, ait:

2. Videbam in visione mea nocte, et ecce quatuor venti caeli pugnabant in mari magno,

3. Et quatuor bestiae grandes ascendebant de mari diversae inter se,

4. Prima quasi leaena, et alas habebat aquilae: adspiciebam donec cvulsae sunt alae ejus: et subia- ta est de terra, et super pedes quasi homo stetit, et cor hominis datum est ei. 5. Et ecce bestia alia similis urso in parte stetit: et tres ordines erant in ore ejus, et in dentibus ejus, et sic dicebant ei: Surge, comede carnes plurimas. 6. Post haec adspiciebam, et ecce alia quasi pardus: et alas habebat quasi avis, quatuor super se: et quatuor capita crant in bestia, et potestas data est ei. 7. Post haec adspiciebam in visione noctis, et ecce bestia quarta terribilis, atque mirabilis, et fortis nimis: dentes ferreos habebat magnos, comedens atque comminuens, et reliqua pedibus suis conculcans: dissimilis autem erat caeteris bestiis quas videram ante eam, et habebat cornua decem. 8. Considerabam cornua, et ecce cornu aliud parvulum ortum est de medio eorum: et tria de cornibus primis evulsa sunt a facie ejus: et ecce oculi, quasi oculi hominis, erant in cornu isto, et os loquens ingentia, 9. Adspiciebam donec throni positi sunt, et antiquus dierum sedit. Vestimentum ejus candidum quasi nix, et capilli capitis ejus quasi lana munda: thronus ejus flammae ignis, rotae ejus ignis accensus. 10. Fluvius igneus rapidusque egrediebatur a facie ejus: millia millium ministrabant ei, et decies millies centena millia assistebant ei . Judicium sedit, et libri aperti sunt. 11. Adspiciebam propter vocem sermonum grandium quos cornu illud loquebatur: et vidi quo-

niam interfecta esset bestia, et perisset corpus ejus, et traditum esset ad comburendum igni: 12. Aliarum quoque bestiarum ablata esset potestas, et tempora vitae constituta essent eis usque ad tempus et tempus. 13. Adspiciebam ergo in visione noctis, et ecce cum nubibus caeli quasi filius hominis veniebat, et usque ad antiquum dierum pervenit. Et in conspectu ejus obtulerunt eum: 14. Et dedit ei potestatem, et honorem, et regnum: et omnes populi, tribus, et linguae ipsi servient: potestas ejus, potestas aeterna, quae non auferetur, et regnum ejus, quod non corrumpetur ". rb. Horruit spiritus meus: ego Daniel territus sum in his, et visiones capitis mei conturbaverunt me. 16. Accessi ad unum de assistentibus, et veritatem quaerebam ab eo de omnibus his. Qui dixit mihi interpretationem sermonum, et docuit me. 17. Hae quatuor bestiae magnae quatuor sunt regna quae consurgent de terra. 18. Suscipient autem regnum sancti Dei altissimi, et obtinebunt regnum usque in saeculum, et saeculum saeculorum. 19. Post hoc volui diligenter discere de bestia quarta, quae erat dissimilis valde ab omnibus, et terribilis nimis: dentes et ungues ejus ferrei: comedebat, et comminuebat, et reliqua pedibus suis conculcabat: 20. Et de cornibus decem quae habebat in capite, et de alio, quod ortum fuerat, ante quod ceciderant tria cornua: et de cornu illo, quod habebat oculos, et os loquens grandia: et majus erat

21. Adspiciebam, et ecce cornu illud faciebat bellum adversus sanctos, et praevalebat eis.

22. Donec venit antiquus dierum, et iudicium dedit sanctis Excelsi: et tempus advenit, et regnum obtinuerunt sancti.

23. Et sic ait: Bestia quarta, regnum quartum erit in terra, quod majus erit omnibus regnis: et devorabit universam terram, et conculcabit, et comminuet eam.

24. Porro cornua deceni ipsius regni, decem reges erunt: et alius consurget post eos, et ipse potentior erit prioribus, et tres reges humiliabit.

25. Et sermones contra Excelsum lo- quetur, et sanctos Altissimi conteret, et putabit quod possit mutare tempora, et leges: et tradentur in manu ejus usque ad tempus, et tempora, et dimidium temporis.

27. Et judicium sedebit, ut auferatur potentia, et conteratur, et dispereat usque in finem:

27. Regnum autem, et potestas, et magnitudo regni, quae est subter omne caelum, detur populo sanctorum Altissimi: cujus regnum, regnum sempiternum est, et omnes reges servient ei,. et obedient.

28. Hucusque finis verbi. Ego Daniel militum cogitationibus meis conturbabar, et facies mea mutata est in me: verbum autem in corde meo conservavi.