Acta Apostolicae Sedis - Commentarium Officiale18

institutione puerorum, Beatae nomine in posterum appelletur, eiusque

festum die duodetricesima Maii in locis et modis iure statutis quotannis

celebrari possit. In nomine Patris et Filii et Spiritus Sancti. Amen.

Gaudemus igitur quod sueta oratione etiam hanc piam religiosam, cuius

nomen intra Beatorum numerum addidimus, omnes christifideles venerari

possunt eamque Ipsi summa cum religione invocamus ut a Deo, supernorum

omnium donorum Largitore, christiano populo vim impetret virtutes suas

constanter imitandi.

Quae autem his Litteris decrevimus nunc et in posterum rata et firma esse

volumus, contrariis rebus minime obstantibus quibuslibet.

Datum Romae, apud, Sanctum Petrum, die decimo tertio mensis Maii,

anno Domini bis millesimo undecimo, Pontificatus Nostri septimo.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 147.876

III

Venerabili Dei Servo Aloisio Andritzki caelitum Beatorum tribuitur dignitas.

BENEDICTUS PP. XVI

Ad perpetuam rei memoriam. - « Permagum est propriam vitam pro

Christo tradere ».

Paucis ex his verbis, quae Aloisius Andritzki iuvenis pronuntiavit, percipi

intellegique potest strenua voluntas eum totum ad Christum pertinere velle

et omnibus rerum in adiunctis esse fidelem. In fide catholica tuenda firmus

semper ipse fuit, Domini amore ad se suamque vitam tradendam paratus.