Congregatio pro Episcopis 117

CONGREGATIO PRO EPISCOPIS

MACKENZIENSIS-ARCIS SMITH

ET SANCTI PAULI IN ALBERTA

De finium mutatione

DECRETUM

Quo aptius christifidelium pastorali curae consuli possint et Episcopi

munus suum efficaciter explere valeant, Exc.mi PP. DD. Murray Chatlain,

Episcopus Mackenziensis-Arcis Smith, et Iosephus Lucas Bouchard, Episco-

pus Emeritus Sancti Pauli in Alberta, ab Apostolica Sede enixe expostulave-

runt ut circumscriptionum ecclesiasticarum sibi concreditarum fines aliquan-

tulum immutarentur.

Congregatio pro Episcopis, praehabito favorabili voto Exc.mi P. D. Petri

López Quintana, Archiepiscopi titulo Acropolitano et in Canada Apostolici

Nuntii, rata huiusmodi immutationem christifidelium bono profuturam,

vigore specialium facultatum sibi a Summo Pontifice Benedicto, Divina

Providentia PP. XVI, tributarum, oblatis precibus annuendum censuit.

Quapropter, praesenti Decreto, perinde valituro ac si Apostolicae sub plumbo

Litterae datae forent, consentiente Congregatione pro Gentium Evangeliza-

tione, a dioecesi Mackenziensi-Arcis Smith integrum territorium Missionis

vulgo nuncupatae « Fort Chipewyan », distrahatur idque dioecesi Sancti

Pauli in Alberta adiungatur, mutatis, hac ratione, utriusque ecclesiasticae

circumscriptionis finibus.

Mandat insuper ut documenta et acta praefatum territorium bona

temporalia respicientia, a Curia Mackenziensi-Arcis Smith ad curiam Sancti

Pauli in Alberta tradantur.

Ad haec perficienda Congregatio pro Episcopis deputat memoratum

Exc.mum P. D. Petrum López Quintana, necessarias et opportunas eidem

tribuens facultates etiam subdelegandi, ad effectum de quo agitur, quemlibet