Acta Apostolicae Sedis - Commentarium Officiale114

per intercessionem Ven. Servae Dei Mariae Crescentiae Pérez (in saec.: Mariae

Angelicae), Religiosae Professae Congregationis Filiarum Mariae SS.mae ab

Horto, videlicet de celeri, perfecta ac constanti sanatione dominae Mariae Sarae

Pane a « epatite acuta di tipo A complicata da grave insufficienza d'organo in

paziente con diabete mellito insulino-dipendente ».

Mandavit insuper Beatissimus Pater ut praesens decretum publici iuris

fieret atque in acta Congregationis de Causis Sanctorum referretur.

Datum Romae, die 19 mensis Decembris A. D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

TUSCULANA

Beatificationis et Canonizationis Ven. Servi Dei Aloisii Novarese, Sacerdotis

dioecesani Fundatoris Piae Unionis Silentium Operariorum a Cruce (1914-1984)

DECRETUM SUPER MIRACULO

Venerabilis Dei Servus Aloisius Novarese die 29 mensis Iulii, anno 1914,

Casali, in regione Alexandriae Statiellorum, in Italia, natus est. Decimo

aetatis anno dexterae coxae phthisi in capitis periculum adductus est; qua

quidem infirmitate monente, praecipuam in aegros ac laborantes pietatem

excoluit. Cum autem, anno 1931, de improviso convaluisset, statuit hic Dei

Famulus ad sacerdotium contendere, ad quod ipse iam pridem divino quo-

dam instinctu se vocatum agnoverat. Itaque die 17 mensis Decembris, anno

1938, ad sacrum presbyteratus ordinem ascendit; deinde in Secretaria Status

seu Summi Pontificis compluribus muneribus functus est. Interea multa ipse

pro infirmis incepta movebat, quae labentibus annis vere instituta fierent,

quibus nomina « Marialis Sacerdotum Societas », « Voluntarii Doloris », « Silen-