Congregatio de Causis Sanctorum 107

Anno igitur 1869 in pago natali condidit Servus Dei orphanotrophium

solis maribus dicatum; paucis autem post annis egenas puellas ac derelictas

colligere atque hospitio recipere coepit apud se in quibusdam aedibus, quas

in civitate S. Maria Capua Vetere habebat, unde velut e primis cunabulis

originem aliquanto post duxit Institutum Sororum Ancillarum a Maria

Immaculata, ab ipso Donato anno 1906 conditum.

Tum vita tum scripta Servi Dei indicant non obscure fuisse illum sacer-

dotem aeque Dominici Verbi peramantem ac meditationi super mysteriis

vitae Christi intentissimum. Egregia enim semper animi devotione

eucharisticum Sacrificium celebrare consueverat, eximia tamen pietate in

Virginem Beatissimam ceterosque Sanctos. Praeclara denique prudentia

ornatus, homines ut auscultare ita etiam bonis consiliis iuvare didicerat, et,

in omnibus adiunctis constanti fortitudine fultus, magnae virtutis imaginem

in aerumnis et tribulationibus tradidit atque consilia evangelica laudabilissi-

mo genere vitae praestitit.

Cum instituta caritatis ab ipso condita pedetemptim crescerent et conso-

lidarentur, interim valetudo eius, qui variis cruciatibus temptatus fuerat,

celeriter extenuari coepta erat, quamobrem necesse fuit, ambo Instituta ab

ipso condita Fratribus Bigis a Beato Ludovico de Casaurea fundatis commit-

tere, quorum in communitatem Donatus ipse recedere debuit.

Die vero 26 mensis Februarii anno 1914, in civitate Sancta Maria Capua

Vetere, populo diligentissimo redimitus, pio transitu in Domino requievit.

Ob famam sanctitatis, qua perinde vivus atque multo magis post obitum

gaudere consueverat, a die 26 mensis Iunii anno 1996 usque ad diem 19

mensis Aprilis anno 1997 apud Curiam ecclesiasticam Capuanam peracta

est Inquisitio dioecesana, quam esse validam agnovit haec Congregatio de

Causis Sanctorum per Decretum die 14 mensis Maii anno 1999 latum. Die 17

mensis Februarii anno 2009 Congressus Consultorum Historicorum congre-

gatus pronuntiavit et confirmavit esse probationes exhaustivas, esse docu-

menta ex archivo fide digna, virtutes denique fundamento pollere. Die 30

mensis Novembris anno 2010 feliciter peractus est congressus Peculiaris

Consultorum Theologorum. Patres Cardinales et Episcopi, in Sessione Ordi-

naria die 15 Novembris anno 2011 habita, post lectam relationem a Ponente,

Exc.mo Marcello Semeraro, Episcopo Albanensi, agnoverunt a Servo Dei

et theologales et cardinales iisque adnexas virtutes ad gradum heroicum

exercitas esse.