Acta Francisci Pp. 1329

Genua die XXVII mensis Octobris anni eiusdem profecta, una cum multitu-

dine Italorum migrantium die XXX mensis Novembris subsequentis ad Sanc-

tum Paulum in Brasilia appulerunt. Die Immaculatae Conceptioni B.M.V.

dicato apud orphanotrophium titulo « Christophori Columbi » novum opus

incohare potuerunt. Brevi matres, educatrices, catechistae, valetudinariae

tot parvulorum desertorum factae sunt. Enimvero exiguae erant opes, sed

absoluta divinae Providentiae fiducia, qua imbuebatur Venerabilis Dei Ser-

va, eiusque insignis fides, quam continuata precatione alebat, caritate mi-

grantium Italorum et nonnullorum illius loci divitum adiuta, effecerunt ut

necessaria praesto essent, quibus parvulos Instituti hospites aleret, curaret,

erudiret, quos turmatim Dominus ei commitebat. Gradatim « caritatis herois »

agnita est, atque eo quod penitus missioni, sibi a beato Episcopo Ioanne

Baptista Sclabrini commissae, se dederat, aliae « Ancillae » sunt pellectae.

Nec defuerunt probationes et aegritudines, inter quas fratris sacerdotis die

XIV mensis Decembris anno MDCCCXCVI obitus, in Italiam valetudinis causa

matris reditus, immatura duarum primarum sororum mors annumerantur.

Mater Assumpta tamen imperturbata, Deo usque fisa, has propter graves

difficultates animo haud concidit atque Communitatis parvulorumque facta

est fulcimentum, qui iam numerum ducentesimum attigerunt.

Novus orphanotrophii moderator, pater Scalabrinianus Faustinus Con-

soni, Venerabilem Dei Servam adiuvit, ad peculiarem vocationem meliorem

reddendam: humilem, constantem, gratuitum pupillorum famulatum. Alia

difficultas obvenit, cum ex Italia sorores Congregationis Apostolarum Sacri

Cordis venerunt, quas in Brasiliam beatus Scalabrini miserat ut cum « Ancil-

lis Pupillorum et Derelictorum ad Extera » coniungerentur. Assumpta una

primigenii manipuli superstes et Instituti Antistita probe propositum intel-

lexit. Facilis ac Divinae Providentiae obsequens, adventum beati Episcopi

Scalabrini exspectavit, ut sua peculiaris vocatio agnosceretur atque, anno

MCMIV, ille pollicitus est: « Macte virtute! Ut Sancti Caroli soror morieris! ».

Anno MCMX Archiepiscopus Sancti Pauli in Brasilia, Duarte Leopoldus e Sil-

va, qui pastorale opus Congregationis Ancillarum, et peculiarem in modum

Matris Assumptae, magni faciebat, pro eis intercessit atque eo moderante

die I mensis Ianuarii anno MCMXII Venerabilis Dei Serva vota publica per-

petuaque ut soror a Sancto Carolo Borromeo nuncupavit. LIII per annos,

quibus missionaria fuit, complura officia gessit, iis liberaliter se dicans qui

in necessitatibus versabantur: tenera mater, catechista, valetudinaria, Antis-