Congregatio de Causis Sanctorum 1437

Sororum Apostolicarum a Christo Crucifixo, quae contemplationi mysterii

Iesu cruci affixi necnon servitio fratrum, uti dicatur, « crucifixorum » omni-

bus in certaminis angustiis vacaret. Toto ergo animo opibusque in pueros,

puellas operarias iuvenesque rurum educandos atque scientiis et christiana

doctrina instituendos incubuit, quapropter diversas aperuit scholas et apud

heredium viri, opus constituit.

Familia religiosa proficiente, etiam cumulatis aerumnis, Serva Dei omnia

vero Providentiae divinae summopere confisa suscepit, cuius moderatione,

quindecim protinus ortae sunt fundationes, quas ipsa sive in exordiis sive in

cotidianis necessitatibus gerendis curavit. Anno 1975, Institutum Decretum

laudis ex Apostolica Sede accepit.

Humanae Servae Dei dotes sicut et christianae eius virtutes atque merita

sive vitae coniugalis sive consecrationis religiosae ex itinere eius spirituali

patenter eminent. Mulier enim fuit fidei mandatis radicitus innisa, quae sin-

ceram communionem cum Domino vixit et per Christi crucifixi imitationem

omnibus ignovit, qui suo aliusve tramite nece mariti sese contaminaverint,

pro quorum conversione suppliciter Deum exoravit dicens: « Perdidicisti,

Domine, me toto corde omnibus ignovisse atque iisdem summopere benefa-

cere exoptare [...] Concede, quaeso, ut sicuti decet te ament et glorificent ».

Enixis oculis fidei Mater Maria societatis sibi propinquae necessitates

intellegere valuit, quae post scelera belli intimiorum rei culturalis et socialis

mutationum inceperat ostendere signa. His in adiunctis difficultatum non

indigibus, ad animi maturitatem pervenit, quam impensa suipsius oblatione

Domino per orationem expressit cum singulari visceribus pietatis ac benig-

nitate servitii devinctam. Exercitium virtutum ad modum heroum, summa

dominicae voluntatis exquisitione sustentatum, cotidianus ei fuit intellectus,

quem actuoso labore ad alacritatem animi componendam impenso vixit.

Indefessa eius navitas inconcussae spei innitebatur. Suipsius omnino oblita,

Mater Maria tota simplicitate omnia ad maiorem Dei gloriam et ad salu-

tem fratrum rettulit. Materna cura socias sorores respexit, quibus firmus

ac probatus fuit testis.

His in omnibus tempora discrepantiae, simultatis et passionis haud de-

fuerunt, quae necessaria secum intra moenia communitatis elicuerunt pos-

tera, in serenum autem et fecundum caelum Matris Mariae prudentiae et

humilitatis gratia repetita. Post acerbum morbum die 17 mensis Iulii anno

1975 Serva Dei pie in Domino quievit.