1436 Acta Apostolicae Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

CARTHAGINENSIS IN HISPANIA

Beatificationis et Canonizationis Servae Dei Mariae Séiquer Gayá Fundatricis Sororum Apostolicarum a Christo Crucifixo (1891-1975)

DECRETUM SUPER VIRTUTIBUS

« Testimonium nostrum inter gentes praestantissimum sit opus evange-

lizationis ».

Sententia haec illa fuit, cui Serva Dei Maria Séiquer Gayá totam vitam

conformavit, testimonium mirae suae dilectionis Iesu Cruci affixi fideliter

et cohaerenter praebens.

Serva Dei die 12 mensis Aprilis anno 1891 Murtiae intra fines Dioecesis

Carthaginensis in Hispania nata est et post diem quartum ad regenerationis

fontem ducta. Apud familiam suam ex ordine burgensium primum discipli-

nata, alumna deinde fuit Sororum Iesu et Mariae ac, tempore quo ab iis

edocebatur, sacramentum Confirmationis recepit mensamque eucharisticam

adiit. Iam inde a pueritia summam mandatorum fidei ostendit sollicitudinem

et benignum proximi studium et praesertim pauperum.

Anno 1914, Angelo Romero Elorriaga erudito medico in re politica ad-

modum versato nupsit, qui eam in caritatis et opitulationis opera traxit.

Eorum coniugium annos viginti duos perseveravit, cum Serva Dei anno 1936

viduata est: vir enim inter primas nefasti belli civilis victimas fuit, quod

Hispaniam inter annos 1936 et 1939 vastavit.

Tantis in infelicibus adiunctis Maria autem animo minime defecit, nec ad

tristissimum procubuit maerorem, sed cor suum iam amplius luciferae con-

solationi gratiae pandit. Tum ergo iter suum clarius percepit viam consecra-

tionis religiosae esse. Proinde, post tempus profundae meditationis ac precis,

una cum socia Amalia Martín de la Escalera novam iniit Congregationem