1336 Acta Apostolicae Sedis - Commentarium Officiale

IV

Venerabili Servo Dei Pio Alberto Del Corona Beatorum honores decernuntur.

FRANCISCUS PP.

Ad perpetuam rei memoriam. - « Labia enim sacerdotis custodiunt

scientiam, et legem requirunt ex ore eius, quia angelus Domini exercituum

est » ( Mal 2, 7).

Venerabilis Servus Dei Pius Albertus Del Corona, professus Ordinis Fra-

trum Praedicatorum et deinde episcopus, constantem manifestavit fidelita-

tem erga dona Spiritus Sancti atque divinam custodivit scientiam se ipsum

assidue apud fontem revelationis nutriens. Suos nuntios in mente cordeque

custodiebat, peculiari modo magisterio Doctoris Angelici sancti Thomae

Aquinatensis adiutus. Sicut vere a Deo missus, panem Verbi magno animo

distribuit atque praedicatione iter fidelium demonstravit et illuminavit, om-

nes ad implendam Dei voluntatem dirigens.

Venerabilis Servus Dei Labrone, in Tuscia, die V mensis Iulii anno

MDCCCXXXVII est natus. Die VIII mensis Iulii baptismum accepit. Iam adules-

cens Conferentiis Sancti Vincentii de Paul nomen dedit ut familias pauperes

iuvaret atque catechismum edoceret. Labrone personaliter beatum Frideri-

cum Ozanam noverat, Conferentiarum fundatorem. Habitum Dominicanum

in novitiato sancti Marci Florentiae anno MDCCCLV induit atque presbyter

deinde die V mensis Februarii anno MDCCCLX est ordinatus. In conventu sancti

Marci atque in seminario archidioecesis Florentinae philosophiam et theo-

logiam dogmaticam edocuit. Anno MDCCCLXXII prior conventualis est electus.

Interdum Congregationem Dominicanam mulierum fundare coepit studio

Sacrarum Scripturarum dicatarum atque educationi gratuitae stirpium po-

pularium. Mense Novembri anno MDCCCLXXIV episcopus nominatus est titulo

Drasensis atque coadiutor Episcopi Sancti Miniati. Operam spirituali renova-

tioni suorum fidelium dedit, iterum seminarium aperuit in quo philosophiam

edocuit, theologiam thomistam et linguam Hebraicam. Paroecias invisebat,

singulari modo praedicationi se dicabat, nonnumquam missionibus populari-

bus, atque administrationi sacramentorum confirmationis et reconciliationis,

nullo modo visitationes neglegens infirmorum, in valetudinariis atque eorum