1332 Acta Apostolicae Sedis - Commentarium Officiale

III

Venerabili Servae Dei Mariae Elisabethae Turgeon Beatorum honores decernuntur.

FRANCISCUS PP.

Ad perpetuam rei memoriam. - « Meus cibus est, ut faciam voluntatem

eius, qui misit me, et ut perficiam opus eius » ( Io 4, 34).

Venerabilis Serva Dei Maria Elisabetha Turgeon die VII mensis Februarii

anno MDCCCXL Bellomontii prope urbem Lévis in Quebecensi provincia in

Canada, quinta ex decem filiis, nata est. Cum optimo admodum indueretur

ingenio, studiis valde incumbere cupivit, sed praematura mors patris eam

modo quindecim annos natam coegit, ut hoc propositum suum ad tempus

deponeret. In quattuor ergo iunioribus sororibus educandis maternae ope-

rae subveniens domi degit. Iuvenili autem aetate illa corroboratae fidei

profectum iam plane exhibuit.

Vicesimum primum aetatis agens annum, Scholam Institutionis Docen-

tium Laval Quebeci frequentare potuit, ut sese ad magisterium exercendum

compararet. Intervallis quibusdam infirmis valetudinis causa intermissis,

anhelatum titulum magistrae adepta est. Anno MDCCCLXIII scholae in vico

Sancti Romualdi de Etchemin moderandae, haud longe scilicet a domes-

tica sede, suscepit onera, quae feliciter adimplevit, licet binam ob gravem

aegrotationem magisterium ipsum in annum eam deserere fuerit necesse.

Valetudine resumpta, Maria Elisabetha aulam scholae privatae in Paroecia

S. Rochi in provincia Quebecensi aperuit, quam nec diu tamen valuit reti-

nere. Praefidens ad divinum confugit auxilium per intercessionem « bonae

sanctae Annae » et professa est se gratuito, si impetravisset sanationem, in

vico Sanctae Annae de Beaupré magistrae se daturam fuisse operam. Ad

huic promisso satisfaciendum, Reverendissimus Dominus Ioannes Langevin,

qui Episcopus Sancti Germani interdum electus erat, ab ea petiit, ut par-

vam institutricum gereret societatem. Et quamquam primum Elisabetha ob

infirmam valetudinem suam annuere nequivit, tertio tamen instante Episco-

po, hanc quasi voluntatem esse Dei percepit, qui eam ad vitam religiosam

amplectendam vocabat. Proinde Serva Dei ad civitatem v. d. Rimouski

die III mensis Aprilis anno MDCCCLXXV accessit, quam illic piae quaedam