1330 Acta Apostolicae Sedis - Commentarium Officiale

tita generalis duabus vicibus Instituti fuit. Variis in urbibus Civitatis Sancti

Pauli et Rivi Magni Australis est operata. Novis e vocationibus Institutum

incrementum cepit atque complures sunt conditae domus. Ex amore in sa-

cram Eucharistiam, devotione erga Cor Iesu et Beatam Virginem Mariam

vim hauriebat Venerabilis Dei Serva, ut sub fìdei lumine continenter viveret,

omnia semper complens ad Dei voluntatem. Diuturnum acerbumque post

morbum, quem ipsa Domino patienti coniuncta sustinuit atque Congrega-

tionis Sororum a Sancto Carolo incremento dicavit, die I mensis Iulii anno

MCMXLVIII placide ad Patris domum remigravit.

Sanctitatis fama statim pervagata est et progrediente tempore increbruit,

ita ut Archiepiscopus Sancti Pauli in Brasilia die XV mensis Augusti anno

MCMLXXXVI dioecesanam Inquisitionem incoharet, quae valida agnita est per

Congregationis de Causis Sanctorum Decretum die XVII mensis Decembris

anno MCMXCIII. Positione parata, Consultores theologi, in Congressione pe-

culiari die XVII mensis Septembris anno MMX coadunati, virtutes heroum in

modum exercitas sunt suffragati atque idem iudicarunt Patres Cardinales et

Episcopi in Sessione Ordinaria die XI mensis Octobris anno MMXI coadunati.

Decessor Noster Benedictus XVI facultatem fecit ut Congregatio de Causis

Sanctorum huius rei Decretum die XIX mensis Decembris anno MMXII ederet.

Mira putata sanatio exhibita est, quae a Consultoribus medicis ad scientiam

inexplicabilis habita est. Consultores theologi in Congressione peculiari die

XI mensis Aprilis anno MMXII Venerabilis Dei Servae intercessioni sanationem

tribuerunt et Patres Cardinales et Episcopi, in Sessione Ordinaria die XVII

mensis Decembris anno MMXIII hanc sanationem miraculum iudicarunt. Nos

Ipsi facultatem fecimus ut Congregatio de Causis Sanctorum Decretum de

miraculo die IX mensis Octobris anno MMXIII evulgaret atque statuimus ut

sollemnis beatificationis ritus in urbe Sacti Pauli in Brasilia die XXV mensis

Octobris anno MMXIV celebraretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, Congregationis de Causis Sanctorum Praefectus, textum

Litterarum Apostolicarum legit, quibus Nos in Beatorum numerum Vene-

rabilem Dei Servam Assumptam Marchetti adscribimus.

Nos, vota Fratris Nostri Odilonis Petri S.R.E. Cardinalis Scherer, Ar-

chiepiscopi Sancti Pauli in Brasilia, necnon plurimorum aliorum Fratrum

in Episcopatu multorumque christifidelium explentes, de Congregationis

de Causis Sanctorum consulto, auctoritate Nostra Apostolica facultatem