Acta Apostolicae Sedis - Commentarium Officiale28

seque in Francogallia manere liberum potuisse. In patriam igitur remigravit

ubi reconditam egit vitam. Die III mensis Septembris anno MDCCXCIII captus

est ad novam legem, secundum quam poena capitis afficiebantur ii migrantes

qui in patriam remeabant. Initio negavit se in insula Jersey fuisse, sed hoc ob

mendacium multum patiebatur, quod grave peccatum putaret. Post diuti-

nam precationem, quinque diebus postquam est captus, fassus est se brevi

tempore in Anglica insula fuisse atque haec confessio ad Guillotinianam ma-

chinam perduxit. Constantiense tribunal, plane de eius apud insulam Jersey

commoratione conscium, sed sine ea de re ulla probatione, dedit ei facultatem

exsilium negandi. Venerabilis Dei Servus, veritatis studiosus, quod praebe-

batur respuit atque denuo suam migrationem agnovit. « Veritatis martyr »

capitali poena est multatus. Nocte antequam necaretur, peccata confessus

ac diu precatus, fratri et cuidam amico scripsit de suo martyrio prorsus

conscius. Matutino tempore diei XIII mensis Octobris anno MDCCXCIII, die

dominico, in carcere e lectulo surrexit, breviarium recitavit, a sodalibus

postulavit ut suam barbam capillosque componerent et demum una secum

Vesperum recitarent. Cum adstantes genu flecterent, eius benedictionem pe-

tentes, testes narrarunt pacem divinam eius ex vultu manare. Prope patibu-

lum solummodo dixit: « Deus meus, in manus tuas commendo vitam meam.

Te exoro, refice et custodi tuam Sanctam Ecclesiam, meis inimicis ignosce ».

Sanctitatis fama martyrii perstante Venerabilis Dei Servi, anno MCMXCIII

Abbas Generalis Candidi et Canonici Ordinis Praemonstratensis a Constan-

tiensi Abrincensi Episcopo flagitavit ut beatificationis processus, anno

MCMXXII incohatus, denuo ageretur, et ita dioecesana Inquisitio inciperetur.

Congregatio de Causis Sanctorum per Decretum die VIII mensis Maii anno

MCMXCVIII iuridicam eiusdem validitatem agnovit. Historici Consultores, die V

mensis Decembris anno MM, coadunati ipsius martyrio sunt suffragati, quod

idem Consultores quoque theologi fecerunt, in Congressione Peculiari die XV

mensis lulii anno MMX. Patres Cardinales et Episcopi m Sessione Ordinaria die

I mensis Martii anno MMXI coadunati verum martyrium mortem iudicarunt

Venerabilis Dei Servi Petri Hadriani Toulorge. Itaque Nos Ipsi die II mensis

Aprilis anno MMXI facultatem fecimus ut Congregatio de Causis Sanctorum

Decretum super martyrio ederet atque statuimus ut beatificationis ritus die

XXIX mensis Aprilis anno MMXII Constantiae in Francogallia celebraretur.

Hodie igitur de mandato Nostro Venerabilis Frater Noster Angelus

S.R.E. Cardinalis Amato, S.D.B., Congregationis de Causis Sanctorum

Praefectus, textum Litterarum Apostolicarum legit, quibus Nos in Beato-