Acta Benedicti Pp. XVI 29

rum numerum Venerabilem Dei Servum Petrum Hadrianum Toulorge

adscribimus:

Nos, vota Fratris Nostri Stanislai Lalanne, Episcopi Constantiensis,

necnon plurimorum aliorum Fratrum in Episcopatu multorumque christifi-

delium explentes, de Congregationis de Causis Sanctorum consulto, auctori-

tate Nostra Apostolica facultatem facimus ut Venerabilis Servus Dei Petrus

Hadrianus Toulorge, presbyter et martyr, Candidi et Canonici Ordinis

Praemonstratensis sodalis, qui, intrepide divina sacramenta Populo Dei

administrans, pastorale nolens prodire ministerium, morte occubuit, Beati

nomine in posterum appelletur, eiusque festum die decima tertia mensis

Octobris, qua in caelum ortus est, in locis et modis iure statutis quotannis

celebrari possit. In nomine Patris et Filii et Spiritus Sancti.

Decet prorsus insignem hunc caelitem magnificare, qui eximias dedit re-

ligiosae pietatis operositatisque testificationes, cum suam vitam inpenderet

in beneficium animorum, in salutarem Evangelii nuntium inter gentes dif-

fundendum necnon in veritatem martyrio confirmandam. Exoptamus igitur

ut eximia eius exempla magno sint hominibus emolumento qui nunc sunt,

undique exstantibus mundanis illecebris atque terrestrium rerum invitamen-

tis, quo ipsi Christi vultum clarius conspiciant eiusque praecepta diligentius

persequantur.

Haec vero quae hodie statuimus firma usquequaque esse volumus ac

valida fore iubemus, contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXIX

mensis Aprilis, anno MMXII, Pontificatus Nostri octavo.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 195.864