Acta Francisci Pp. 1337

in domibus aeque ac visitationes illorum qui in custodia tenebantur. « Ego

pro pauperibus sum et meum est inter pauperes adstare », dicere solebat.

« Procedamus cum Christo coniuncti - sacerdotes adhortabatur - et coram

hominibus angelisque veram divinam harmoniam offeramus ». Ministerium

etiam per verba scripta exercitavit, quod iam veluti prior Sancti Marci in-

cohavit. Hoc in munere exsequendo totam suam ponebat animam. « Ex animo

mihi manavit », confessus est tractatum theologicum praebens de Verbo Dei

incarnato. Eius commentarii omnino multiplices sunt: epistulae pastorales,

commentarii theologici doctrina sancti Thomae Aquinatensis inspirati, sicut

scriptum quod mysteriis Christi dicavit, commentarii in virtutes cardinales,

in theologiam sancti Pauli, parva Summa theologiae, editio Italica Catenae

aureae. Scripsit etiam de Eucharistia deque Sacra Scriptura. Anno MDCCCXCVII

Episcopus Sancti Miniati est mortuus et Venerabilis Servus Dei sacrorum

Antistes huius dioecesis est factus in qua ministerium episcopale iam XXIII

annos adimplebat. Instituta pro pauperibus promovit, cultum et formationem

christianam socialemque populi. Pastorales visitationes in paroecias insti-

tutionesque dioecesanas est prosecutus. Eius adventus laetitiam in populo

concitabat. Suam ob incommodam valetudinem - difficultates videlicet cum

iecore et visu - rogavit ut Summus Pontifex eum a gubernanda dioece-

si liberaret. Sanctus Pius X eius petitionem mense Augusto anno MCMVII

exaudivit. Archiepiscopus titulo Serdicensis est nominatus eo quod agnitus

est « sanctae gubernationis » quam in dioecesi Sancti Miniati adimplevit. In

Florentiam igitur recessit ut orationi se dicaret, studio et apostolatui inter

religiosas Congregationis Sororum Dominicanarum a Spiritu Sancto quam

ipse fundavit. Saepe apud suos fratres in conventu sancti Dominici Faesulis

morabatur. Vehementiore usque modo orabat et meditabatur. Die XV mensis

Augusti anno MCMXII pie in Domino obdormivit. In testamento Virginem Ma-

riam supplicabat ut obviam ei exiret eum in transitu adiutura atque ut eius

manus virginales sicut ara essent in qua postremum sacrificium celebrare

posset quod eum in cor Iesu introduceret, cuius praesentia sperabat totam

per aeternitatem gaudere. Magister Ordinis beatus Hyacinthus Cormier se-

quenti anno eius scripsit biographiam.

Processus Ordinarius in dioecesi Sancti Miniati die XII mensis Decembris

anrlo MCMXLI incohatus est atque die IX mensis Iunii anno MCMLIX conclusus.

Adimpletis omnibus secundum iuris normas, praeclarus Decessor Noster

Benedictus XVI die IX mensis Octobris anno MMXIII Congregationi de Causis