Acta Benedicti Pp. XVI 31

constitueret. Die XXII mensis Iunii anno MCMLI Sancta Sedes Decretum evul-

gavit comprobationis et immutationis Clarissarum clausurae in Congregatio-

nem missionariam. Decem annis, MCMLI-MCMLXI, Missionariae Clarissae a Sanc-

tissimo Sacramento usque creverunt: XXI communitates variis in terrarum

orbis locis sunt conditae. Precatio et animarum amor se in Venerabili Dei

Serva commiscuerunt, cum ipsa omnino Dei volutati se traderet. Eucharistia

et Maria Virgo praecipuum in eius vita obtinuerunt locum. Coram taberna-

culo atque ut filia cum Maria intime coniuncta, mater Agnes sua opera atque

aerumnas Iesu causis aequabat. Postremos suae vitae annos, tum suas domos

in terrarum orbe disseminatas visens, tum in generali Romana domo filias

sapienter prudenterque moderans, exegit. Anno MCMLXXIX etiam virorum

institutum condidit: Missionarios Christi pro Ecclesia Universali. Sanctitatis

circumdata fama die XXII mensis Iulii anno MCMLXXXI obiit, placida, demissa,

in Patris manibus posita, in summi amoris actu.

Sanctitatis fama post obitum crevit, sic Cuernavacensi et Mexicana

in urbibus necnon Romae annis MCMXCII-MCMXCVI dioecesana Inquisitio est

perfecta. In Peculiari Congressione consultores theologi, die XXVI mensis

Septembris anno MMVIII, eius sanctitatis famam atque virtutes heroum in

modum exercitas sunt suffragati. Idem iudicarunt Patres Cardinales et

Episcopi in Sessione Ordinaria die XVII mensis Februarii anno MMIX coadu-

nati. Nos Ipsi facultatem fecimus ut Congregatio de Causis Sanctorum De-

cretum de hac re foras die III mensis Aprilis anno MMIX emitteret. Servatis

rebus iure statutis, sanatio quaedam, mira habita, est exhibita alicuius pueri,

qui suffucatione afficiebatur, in dulci aqua mersus, et passus est spirandi,

cordis aliorumque membrorum damnum. Medici consultores die XXVII mensis

Maii anno MMX ad scientiam inexplicabilem hanc sanationem iudicaverunt.

Consultores vero theologi eam intercessioni Venerabilis Dei Servae Mariae

Agnetis Teresiae a SS. Sacramento adscripserunt. Eodem modo iudicaverunt

Patres Cardinales et Episcopi in Sessione Ordinaria die XXI mensis Iunii anno

MMXI coadunati. Nos Ipsi facultatem fecimus ut Congregatio de Causis

Sanctorum Decretum de miraculo die XXVII mensis Iunii anno MMXI ederet

atque statuimus ut beatificationis ritus Mexicopoli die XXI mensis Aprilis

anno MMXII celebraretur.

Hodie igitur de mandato Nostro Venerabilis Frater Noster Angelus

S.R.E, Cardinalis Amato, S.D.B., Congregationis de Causis Sanctorum

Praefectus, textum Litterarum Apostolicarum legit, quibus Nos in Beatorum